यी पाँच प्रदेशमा आज वर्षाको सम्भावना
आज गण्डकी, बागमती, कोशी, कर्णाली र सुदूरपश्चिम प्रदेशका केही स्थानमा वर्षाको सम्भावना रहेको छ।
मौसम पूर्वानुमान महाशाखाले आज देशका विभिन्न स्थानमा वर्षाको सम्भावना रहेको जनाएको छ। हाल देशमा पश्चिमी वायुका साथै स्थानीय वायुको सामान्य प्रभाव रहेको छ।
यति वेला सुदूरपश्चिम प्रदेशमा सामान्य बदली तथा बाँकी भूभागहरूमा आंशिक बदलीदेखि मौसम सामान्यतया सफा रहेको छ।
आज दिउँसो सुदूरपश्चिम र कर्णाली प्रदेशका पहाडी भू-भागका थोरै स्थानमा तथा गण्डकी, बागमती र कोशी प्रदेशका पहाडी भू-भागका एक-दुई स्थानमा मेघगर्जन र चट्याङ सहित हल्का वर्षाको सम्भावना रहेको महाशाखाले जनाएको छ।
यस्तै, आज राति कोशी, गण्डकी र कर्णाली प्रदेशका एक वा दुई स्थानमा मेघगर्जन र चटयाङ सहित हल्का वर्षा हुने सम्भावना छ।
-1732952633.jpg)
-1732953721.jpg)
-1732855345.JPG)
