सर्पले डसेर दाजुभाइको मृत्यु
ओछ्यानमा सुतिरहेका दाजुभाइलाई आज बिहान सर्पले डस्दा दुवैको मृत्यु भएको छ।
सिन्धुलीमा सर्पले डसेर दुई बालकको मृत्यु भएको छ। जिल्ला प्रहरी कार्यालय सिन्धुलीका प्रहरी उपरीक्षक राजकुमार सिलवालका अनुसार दूधौली नगरपालिका– १ कुर्थौलीका १३ वर्षीय ग्रिस पहाडी र उनका भाइ तीन वर्षीय ग्रीष्म पहाडीको मृत्यु भएको हो।
ओछ्यानमा सुतिरहेका बालकद्वयलाई आज बिहान ३ बजे सर्पले डसेको थियो। उनीहरूलाई उपचारका लागि प्राथमिक स्वास्थ्य केन्द्र सिर्थौली लगिएको र थप उपचारका लागि जानकी हेल्थ केयर जनकपुर लगिएकोमा उपचारको क्रममा मृत्यु भएको प्रहरीको भनाइ छ।
सर्पले ग्रिसलाई बायाँ हातको औंलामा र ग्रीष्मको बायाँ खुट्टामा डसेको थियो। -रासस
-1732952633.jpg)
-1732953721.jpg)
-1732855345.JPG)
