च्यालेन्ज कपको सेमिफाइनलमा आज नेपालको काजखस्तानसँग प्रतिस्पर्धा
काभा महिला भलिबल च्यालेन्ज कपको सेमिफाइनलमा आज नेपालले काजखस्तानसँग प्रतिस्पर्धा गर्दै छ।
काठमाडौंको त्रिपुरेश्वरस्थित राष्ट्रिय खेलकूद परिषद्को कभर्ड हलमा नेपाल र काजखस्तानको प्रतिस्पर्धा हुनेछ। आज साँझ ५ बजे सेमिफाइनल खेल हुनेछ।
समूह ‘ए’ का दुई खेल जितेर नेपाल सेमिफाइनलमा पुगेको हो। नेपालले किर्गिस्तान र बाङ्लादेशलाई हराएको थियो भने भारतसँग हार बेहोरेको थियो।
समूह ‘बी’ मा रहेको काजखस्तानले समूह चरणका तीनै खेल जितेको छ। काजखस्तानले श्रीलंका, माल्दिभ्स र उज्वेकिस्तानलाई हराएर सेमिफाइनलमा पुगेको हो।
यसअघि आज पहिलो सेमिफाइनल खेलमा भारत र उज्वेकिस्तान प्रतिस्पर्धा गर्नेछन्। भारत समूह ‘ए’ को विजेता बनेर सेमिफाइनलमा पुगेको हो भने उज्वेकिस्तान समूह ‘बी’ को उपविजेता बनेको हो।
नेपाल भलिबल संघले आयोजना गरेको प्रतियोगितामा आठ टोली सहभागी थिए। चार टोली भने समूह चरणबाट बाहिरिएका छन्।
-1732952633.jpg)
-1732953721.jpg)
-1732855345.JPG)
