मौसम : पहाडी भूभागमा चट्याङ सहित वर्षा, तराईमा हावाहुरीको सम्भावना
आज दिउँसो तराईका केही स्थानमा हावाहुरीको सम्भावना छ।
मौसम पूर्वानुमान महाशाखाले आज देशको पहाडी भूभागमा चट्याङ सहित वर्षाको सम्भावना रहेको जनाएको छ। हाल नेपालको मौसममा पश्चिमी निम्न चापीय प्रणाली र स्थानीय वायुको प्रभाव रहेको छ।
यति वेला पहाडी भूभागमा आंशिक बदली भएको छ भने बाँकी भूभागमा मौसम सामान्यतया सफा छ।
आज दिउँसो मधेश, गण्डकी र लुम्बिनी प्रदेशका केही स्थान र बाँकी प्रदेशका थोरै स्थानमा मेघगर्जन र चट्याङ सहित हल्कादेखि मध्यम वर्षाको सम्भावना छ। यस्तै तराईका केही स्थानमा भने हावाहुरी चल्ने सम्भावना छ।
आज राति कोशी प्रदेश लगायत पहाडी भू-भागका थोरै स्थानमा मेघगर्जन र चट्याङ सहित हल्कादेखि मध्यम वर्षाको सम्भावना छ।
-1732180391.jpg)
-1732099242.jpg)
