मौसम: कोशी र मधेश प्रदेशका तराईका केही स्थानमा हावाहुरीको सम्भावना
आज दिउँसो कोशी र मधेश प्रदेशका तराईका केही स्थानमा हावाहुरीको सम्भावना रहेको छ।
मौसम पूर्वानुमान महाशाखाले आज दिउँसो कोशी र मधेश प्रदेशका तराईका केही स्थानमा हावाहुरीको सम्भावना रहेको जनाएको छ। हाल देशमा पश्चिमी वायुका साथै स्थानीय वायुको सामान्य प्रभाव रहेको छ।
यति वेला पहाडी भूभागमा आंशिक बदली रही बाँकी भूभागको मौसम सामान्यतया सफा रहेको महाशाखाले जनाएको छ।
आज दिउँसो कोशी, बागमती र गण्डकी प्रदेशका पहाडी भूभागका केही स्थानमा तथा मधेश प्रदेशका एक वा दुई स्थानमा मेघगर्जन/चट्याङ सहित हल्कादेखि मध्यम वर्षाको सम्भावना छ।
यस्तै, आज राति देशको पहाडी भूभागमा आंशिक बदली तथा बाँकी भूभागमा मौसम सामान्यतया सफा रहने महाशाखाको पूर्वानुमान छ। कोशी र गण्डकी प्रदेशका पहाडी भूभागका एक-दुई स्थानमा मेघगर्जन/चट्याङ सहित क्षणिक वा हल्का वर्षाको सम्भावना रहेको छ।
-1732180391.jpg)
-1732099242.jpg)
