कला प्रदर्शनीमा बुद्धका विविध स्वरूप
_1683720388.jpg)
बुद्धका विभिन्न स्वरूपबाट शान्तिको सन्देश दिन काठमाडौंमा कला प्रदर्शनी आयोजना गरिएको छ।
होटल आर्ट काठमाडौं र आर्ट बुमको संयुक्त आयोजनामा ठमेलस्थित होटल आर्ट काठमाडौं ग्यालरीमा प्रदर्शनी चलिरहेको छ। कलाप्रेमी तथा बुद्धबारे चासो राख्ने व्यक्तिहरूका लागि प्रदर्शनी आयोजना गरिएको होटल आर्ट काठमाडौंका प्रबन्ध निर्देशक चिरञ्जिवी भट्टले बताए।
“चित्रकला प्रदर्शनीले शान्तिको सन्देश फैलाउने मात्र नभई कलाकारहरूको कला प्रवर्द्धन गर्ने उद्देश्यले पनि यो प्रदर्शनी आयोजना गरिएको हो,” भट्टले भने।
प्रदर्शनीमा बुद्धका विभिन्न स्वरुपहरू देखाइएका छन्। २४ जना कलाकार तथा फोटोग्राफरका कला प्रदर्शनमा राखिएको छ।
किरण मानन्धर, राधेश्याम मुल्मी, चिरञ्जिवी भट्ट, सुष्माराज भण्डारी, रत्न शाक्य, रेनुका महर्जन, मीनरत्न बज्रचार्य, सुमीन बज्रचार्य लगायतको सहभागिता रहेको छ।
बुधबार नेपालका लागि बाङ्लादेशकी राजदूत इसरत जाहानले पनि प्रदर्शनको अवलोकन गरेकी छन्। प्रदर्शनी वैशाख ३१ गतेसम्म चल्नेछ।
-1732261651.jpg)
-1732259528.jpg)