नेप्से परिसूचकमा दोहोरो अङ्कको गिरावट
धितोपत्र बजारमा शेयर कारोबार मापक नेप्से परिसूचक आज दोहोरो अङ्कले घटेको छ।
साताको पहिलो दिनको बजार खुले लगत्तै उतारचढावपूर्ण अवस्थामा रहेको नेप्से परिसूचक १९.१२ अङ्कले ओरालो लागेर एक हजार ८५०.६१ मा सीमित भएको छ।
ठूला कम्पनीको कारोबार मापन गर्ने सेन्सेटिभ परिसूचक ३.१४ अङ्कले ओरालो लागेर ३५४.७८ मा सीमित भएको छ। कारोबार भएका १३ वटै उपसमूहको शेयर मूल्यमा गिरावट आएको नेप्सेले जनाएको छ।
कूल २३ कम्पनीको शेयर मूल्य उकालो लाग्दा १८७ कम्पनीको भने ओरालो लागेको छ। यस्तै, आठ कम्पनीको शेयर मूल्यमा कुनै परिवर्तन भएको छैन।
आज ६० करोड ८१ लाख ३५ हजार ९४ रुपैयाँ बराबरको कारोबार भएको छ।
-1732353496.jpg)
