सिन्धुलीमा कार दुर्घटना, दुई यात्रुको मृत्यु
सिन्धुलीमा आज बिहान कार दुर्घटना हुँदा दुई जनाको मृत्यु भएको छ भने एक जना घाइते भएका छन्।
कमलामाई नगरपालिका–३ पीपलभञ्ज्याङस्थित तीन घुम्तीमाथि बीपी राजमार्गमा कार दुर्घटना हो। काठमाडौंबाट सिन्धुलीमाडीतर्फ जाँदै गरेको बा ८ च ९१३५ नम्बरको रातो ग्रेटवाल कार दुर्घटनामा परेको जिल्ला प्रहरी कार्यालय, सिन्धुलीले जनाएको छ।
दुर्घटनामा कार चालक झापाको चारपानेका ४३ वर्षीय कुमार पुरी र सिन्धुलीको कपिलाकोट घर भई हाल काठमाडौंको गौरीघाट बस्ने ३८ वर्षीया साहारा प्रसाईंको घटनास्थलमै मृत्यु भएको जिल्ला प्रहरी कार्यालयका प्रहरी नायब उपरीक्षक चिरञ्जीवी दाहालले बताए।
दुर्घटनामा प्यूठानको प्यूठान नगरपालिका–८ का ३३ वर्षीय योगेन्द्र थापा गम्भीर घाइते भएका छन्। उनलाई थप उपचारका लागि काठमाडौं पठाइएको दाहालले बताए।
कार अनियन्त्रित भई सडकबाट बायाँतर्फ २० मिटर तल भीरमा खसेको थियो।
-1730377189.jpg)
-1730358174.jpg)
-1730359163.jpg)
-1730300276.jpg)
