कुबेतमा बिचल्लीमा परेकी महिला नेपाल फिर्ता
कुवेतमा बिचल्लीमा परेकी नुवाकोट, महाकाली गाउँपालिका की अनु तामाङलाई नेपाल फर्काइएको छ ।
तामाङले कुवेतमा शारीरिक तथा मानसिक यातना भोगिरहनु परेको गुनासो सामाजिक सञ्जालमार्फत गरेपछि सरकारले नेपाल फिर्ता गराएको हो ।
राम्रो काम लगाइदिने भनेर छ महीनाअघि दलालले भारत हुँदै कुबेत पुर्याएकाे उनकाे भनाइ छ ।
तामाङलाई शुक्रबार एयरअरबिया एयरलायन्सबाट नेपाल फर्काइएको महिला, बालबालिका तथा ज्येष्ठ नागरिक मन्त्रालयकी सह–सचिव रुद्रादेवी शर्माले जानकारी दिइन् ।
पीडित तामाङले घरमा काम गर्ने साहुले नै बन्धक बनाएर कुटपिट गर्दै यातना दिने गरेको बताएपछि परराष्ट्र मन्त्रालय, महिला मन्त्रालय, वैदेशिक रोजगार विभागलगायत सम्बन्धित निकायले पहल शुरु गरेका थिए । अहिले अनुलाई छोरी सलिनाको जिम्मा लगाइएको छ ।
महिला मन्त्रालयका अनुसार चालू आर्थिक वर्षमा मात्रै भारत, म्यान्मा, कुबेत र साउदी अरब लगायतका देशमा मानव बेचबिखन तथा ओसारपसारमा परेका ३११ जना व्यक्तिलाई उद्धार गरी नेपाल फिर्ता गरिएको छ ।
-1732261651.jpg)
-1732259528.jpg)