उपेन्द्र यादवले बढाए मतान्तर‚ कति छ शिवचन्द्रको मत?
बारा-२ मा जनता समाजवादी पार्टी (जसपा)का उम्मेदवार उपेन्द्र यादवले फराकिलो अग्रता लिएका छन्।
सत्ता गठबन्धनका उम्मेदवार जसपा अध्यक्ष समेत रहेका यादवले १० हजार १९९ मत प्राप्त गरेका छन्। जनमत पार्टीका शिवचन्द्रप्रसाद कुसवाहाले ६ हजार ८०६ मत सहित यादवलाई पछ्याइरहेका छन्। यस्तै‚ नेकपा (एमाले)का पुरुषोत्तम पौडेलले चार हजार ११ मत र राष्ट्रिय स्वतन्त्र पार्टीका रमेश खरेलले एक हजार १७४ मत प्राप्त गरेको मुख्य निर्वाचन अधिकृतको कार्यालयले जनाएको छ।
गत मंसीर ४ गते सम्पन्न निर्वाचनमा बारा-२ मा जसपाबाट निर्वाचित रामसहायप्रसाद यादव उपराष्ट्रपति पदमा निर्वाचित भएपछि सो क्षेत्रमा उपनिर्वाचन भएको हो ।
कुल एक लाख पाँच हजार २४८ मतदाता रहेको बारा–२ मा ६५ प्रतिशत अर्थात् ६८ हजार ८८७ मत खसेको थियो।
-1732353496.jpg)
-1732261651.jpg)
