तनहुँ-१ मा रास्वपाका स्वर्णिम वाग्ले निर्वाचित
तनहुँ-१ मा राष्ट्रिय स्वतन्त्र पार्टीका स्वर्णिम वाग्ले फराकिलो मतान्तर सहित निर्वाचित भएका छन्। उनले निकटतम प्रतिद्वन्द्वीभन्दा १४ हजार ७९७ मत बढी प्राप्त गरेका छन्।
वाग्लेले ३४ हजार ९१९ मत प्राप्त गर्दा निकटतम प्रतिद्वन्द्वी नेपाली कांग्रेसका गोविन्द भट्टराईले २० हजार १२२ मत प्राप्त गरेका छन्। यस्तै‚ नेकपा (एमाले)का सर्वेन्द्र खनालले आठ हजार ४८८ मत प्राप्त गरेका छन्। मुख्य निर्वाचन कार्यालयले औपचारिक रूपमा नतीजा सार्वजनिक गर्न भने बाँकी छ।
गत मंसीर ४ मा सम्पन्न निर्वाचनमा कांग्रेसका रामचन्द्र पौडेल २५ हजार ३६१ मत सहित निर्वाचित भएका थिए। उनका निकटतम प्रतिद्वन्द्वी एमालेका एकबहादुर राना मगरले १९ हजार ९८१ मत प्राप्त गरेका थिए। पौडेल राष्ट्रपतिमा निर्वाचित भएपछि यस क्षेत्रमा उपनिर्वाचन भएको हो।
-1732353496.jpg)
-1732261651.jpg)