बारामा मतपत्र सहित एक जना पक्राउ
प्रतिनिधि सभा सदस्यको उपनिर्वाचनका क्रममा प्रहरीले बारा–२ मा मतपत्र सहित एक जनालाई पक्राउ गरेको छ।
बाराको देवताल गाउँपालिका–७ स्थित पिपरवती जब्दी मतदान केन्द्रबाट स्थानीय सामसागर यादवलाई प्रहरीले पक्राउ गरेको हो। उनीसँग मतपत्र रहेको थाहा पाएपछि प्रहरीले पक्राउ गरेको बाराका प्रमुख जिल्ला अधिकारी नवराज सापकोटाले बताए।
उनीसँग दुई वटा मतपत्र भेटिएको प्रजिअ सापकोटाले बताए। पक्राउ परेका यादव जसपाको जिल्ला समन्वय समिति सदस्य रहेको जनाइएको छ।
मतदान केन्द्र बाहिर मतपत्र भेटिंदा केही बेर होहल्ला भए पनि मतदान सुचारु छ। निर्बाध रूपमा मतदान चलिरहेको प्रजिअ सापकोटाले बताए।
उनले कहाँबाट मतपत्र ल्याए भन्ने खुलेको छैन। सोधपुछ भइरहेको प्रहरीले जनाएको छ।
-1732261651.jpg)
-1732259528.jpg)