जग्गा विवादमा गोली हानाहान, एक जनाको मृत्यु
रौतहटको गढीमाईमा नगरपालिकामा जग्गाका विषयमा विवाद हुँदा गोली हानाहान भएको छ भने एक जनाको मृत्यु भएको छ।
धनगढीमाई नगरपालिका-८ धोबिनियामा जग्गाका विषयमा विवाद हुँदा दुई समूहबीच शनिबार गोली हानाहान भएको हो। गोली लागेर एक जनाको मृत्यु भएको छ भने तीन जना घाइते भएका छन्।
गोली लागेर धनगढीमाई नगरपालिका-८ का रामकुमार रायको मृत्यु भएको जिल्ला प्रहरी कार्यालय, रौतहटले जनाएको छ। घाइते भएका तीनै जनाको गरुडास्थित ग्रान्डी अस्पतालमा उपचार भइरहेको छ।
गोली लागेका रायलाई तत्कालै अस्पताल लगिएको थियो। अस्पताल पुर्याउने बित्तिकै चिकित्सकले मृत घोषणा गरेको प्रहरीले जनाएको छ।
घटनाको विस्तृत विवरण आउन बाँकी रहेको जिल्ला प्रहरी कार्यालयले जनाएको छ।
-1732261651.jpg)
-1732259528.jpg)
