बस दुर्घटनामा २ को मृत्यु, २६ जना घाइते
मोरङको पथरी शनिश्चरे नगरपालिका – १० मा बस दुर्घटना हुँदा २ जनाको मृत्यु भएको छ ।
मृत्यु हुनेमा बसका सहचालक मोरङ कानेपोखरी गाँउपालिका ३ का ३१ बर्षीय टिकाराम थापा र अर्का एकजना पुरुष रहेका छन् ।
पूर्व पश्चिम राजमार्गमा पश्चिमबाट पूर्वतर्फ जाँदै गरेकाे काे १ ख ४८४२ नम्बरको बस दुुर्घटना भएकाे प्रहरीले जनाएको छ ।
उक्त बसले मे १ च ५३९१ नम्बरको पिकअपलाई ठक्कर दिएलगत्तै सडकमा पल्टिएको थियो ।
दुर्घटनाका घाईतेहरुमा ५ जनाको न्युरो अस्पताल विराटनगरमा, ८ जनाको मोरङ डाइनेस्टिक अस्पताल पथरीमा, ६ जनाको पथरी अस्पताल र अन्यको नोबेल अस्पताल विराटनगरमा उपचार भईरहेको ईलाका प्रहरी कार्यालय पथरीले जनाएको छ ।
-1732180391.jpg)
