मञ्जु अन्सारी समानुपातिक सांसदमा सिफारिश
जनता समाजवादी पार्टी (जसपा)ले मञ्जु अन्सारीलाई समानुपातिक सांसदमा सिफारिश गरेको छ।
बिहीबार बसेको जसपाको केन्द्रीय कार्यकारिणी समितिको बैठले अन्सारीलाई प्रतिनिधि सभा सदस्यमा सिफारिश गरेको प्रवक्ता पूर्ण बस्नेतले बताए। “रिक्त रहेको समानुपातिक सांसदमा मञ्जु अन्सारीलाई सिफारिश गर्ने निर्णय भएको छ”, बस्नेतले भने।
जसपा सांसद शहनाज रहमानको गत फागुन १३ गते निधन भएको थियो। भक्तपुरको घ्याम्पेडाँडामा वनभोज गएकी सांसद रहमानलाई हृदयाघात भएको थियो। उनको निधनपछि सांसद पद रिक्त रहेको थियो।
जसपाको समानुपातिक सूचीको दोस्रो नम्बरमा अन्सारी रहेकी थिइन्। रिक्त पदमा दोस्रो नम्बरमा रहेकी अन्सारीलाई सांसद बनाउन जसपाले सिफारिश गरेको हो।
