ओखलढुंगामा बोलेरो दुर्घटना, दुई यात्रुको मृत्यु
ओखलढुंगामा बोलेरो दुर्घटना हुँदा दुई जनाको मृत्यु भएको छ।
आइतबार चिसंखुगढी गाउँपालिका-३ दियालेबाट ओखलढुंगा बजार जाँदै गरेको ना १ ज ८४७३ नम्बरको बोलेरो दुर्घटना भएको हो। दुर्घटनामा दियालेकै मीनबहादुर श्रेष्ठ र भक्तबहादुर थापाको मृत्यु भएको जिल्ला प्रहरी कार्यालयले जनाएको छ।
बोलेरो सडकबाट करीब २०० मिटर तल खसेको छ। दुवै जनाको घटनास्थलमै मृत्यु भएको वडाध्यक्ष भीष्म श्रेष्ठले बताए।
दुर्घटनामा गम्भीर घाइते चार जनालाई उद्धार गरेर हेलिकोप्टरबाट काठमाडौं पठाइएको छ। त्यस्तै, घाइते थप पाँच जनालाई पनि हेलिकोप्टर मार्फत काठमाडौं पठाउने तयारी भइरहेको वडाध्यक्ष श्रेष्ठले बताए।
दुर्घटनाको कारण खुल्न सकेको छैन।
-1732353496.jpg)
