हावाहुरी चल्दा फेवामा डुङ्गा पल्टियो, ६ जना घाइते
पोखरामा शनिबार अपराह्न हावाहुरी चल्दा फेवातालमा डुङ्गा पल्टिएको छ।
डुङ्गा पल्टिंदा ६ जना घाइते भएका छन् भने एक जनाको अवस्थ गम्भीर छ। पोखरा महानगरपालिका-१ बगरकी ७० वर्षीया याममाया गिरी गम्भीर घाइते छिन्।
अपराह्न करीब साढे ४ बजेको समयमा तालमा डुङ्गा पल्टिएको जिल्ला प्रहरी कार्यालय, कास्कीका प्रवक्ता श्रवण विकले जानकारी दिए। डुङ्गामा सवार ६ जना नै फेवामा डुबेका थिए।
फेवामा डुबेका सबैको उद्धार गरिएको प्रहरी नायब उपरीक्षक विकले बताए। घाइते सबैको गण्डकी मेडिकल कलेजमा उपचार भइरहको छ।
-1732353496.jpg)
