युवा टोलीका प्रत्येक खेलाडीलाई एक लाख पुरस्कार
आईसीसी यू-१९ विश्वकपमा छनोट भएको क्रिकेट टोलीका प्रत्येक खेलाडीलाई एक लाख नगद पुरस्कार प्रदान गरिने भएको छ।
विश्वकपको एशिया छनोट अन्तर्गत बिहीबार यूएईलाई पराजित गर्दै नेपाली टोली विश्वकपमा छनोट भएको छ। नेपाल समूह विजेता बन्दै विश्वकपमा पुगेको हो। यू-१९ विश्वकप आगामी वर्ष श्रीलंकामा हुँदै छ।
नेपाल क्रिकेट संघ (क्यान)ले विजेता टोलीका प्रत्येक सदस्यलाई एक लाख नगद पुरस्कार प्रदान गर्ने घोषणा गरेको हो। खेलाडी, प्रशिक्षक र अफिसियलले नगद पुरस्कार पाउनेछन्।
यससँगै क्यानले युवा टोलीको मनोबल बढाउने गरी पुरस्कारको व्यवस्था गर्न सरकारसँग पनि आग्रह गरेको छ।
-1732261651.jpg)
-1732259528.jpg)
-1732180391.jpg)