राष्ट्रिय फूटबल टोलीको मुख्य प्रशिक्षकमा एनिस
नेपाली राष्ट्रिय फूटबल टोलीको मुख्य प्रशिक्षकमा इटालीका पूर्व फूटबलर भिन्सेन्जो अल्बर्टो एनिस नियुक्त भएका छन्।
अखिल नेपाल फूटबल संघ (एन्फा)को बुधबार बसेको कार्यकारी समिति बैठकले एनिसलाई मुख्य प्रशिक्षक नियुक्त गरेको हो। एन्फाले मुख्य प्रशिक्षकका लागि आवेदन माग गरेको थियो। जसमा १६८ वटा आवेदन परेका थिए।
त्यसमध्ये २० आवेदक ‘शर्टलिस्ट’ मा परेका थिए। उनीहरूमध्ये ३८ वर्षीय एनिस मुख्य प्रशिक्षक चयन भएका हुन्।
इटालीसँगै अंग्रेजी, स्पेनिस, रूसी र इन्डोनेशियाली भाषाको ज्ञान भएका एनिसले यसअघि इन्डियन सुपर लिगका लागि नर्थ इस्ट युनाइटेडको मुख्य प्रशिक्षक रहेका थिए। उनले गोकुलम केरल एफसीको पनि प्रशिक्षक भएर काम गरेका थिए।
-1732180391.jpg)
-1732099242.jpg)
