जसपाको प्रदेश १ अध्यक्षमा दीपक याक्खा चयन
जनता समाजवादी पार्टी (जसपा) को प्रदेश १ समितिको अध्यक्षमा दीपक याक्खा चयन भएका छन्।
प्रदेश कार्यालय इटहरीमा मंगलबार बसेको समितिको बैठकले याक्खालाई अध्यक्ष चयन गरेको हो। उनी यसअघि समितिको उपाध्यक्ष थिए।
प्रदेश समितिले सोमबार र मंगलबार बैठक र प्रशिक्षणको आयोजना गरेको थियो। प्रशिक्षणमा पार्टीका संघीय परिषद् अध्यक्ष अशोककुमार राई, कार्यकारिणी समिति सदस्यहरू रकम चेम्जोङ, रणध्वज कन्दङ्वा, परशुराम बस्नेत लगायत नेताले प्रशिक्षण दिएका थिए।
-1732353496.jpg)
