पाल्पाकाे सिद्देश्वरमा झाडापखाला फैलियो
पाल्पाको रैनादेवी छहरा गाउँपालिका–१, सिद्देश्वरस्थित अर्चलेमा झाडापखाला फैलिएको छ ।
अर्चलेका चारदिनदेखि पखाला लाग्ने, बान्ता हुने, ज्वरो आउने लक्षणको रोगबाट ५३ जना बिरामी परेको वडाध्यक्ष सोमबहादुर दर्लामीले बताए ।
तल्लो घाटाखोला मुहानको पानी पिउने सबै परिवार बिरामी परेकोले दूषित पानीका कारण रोग फैलिएको हुनसक्ने दर्लामीको भनाइ छ ।
केही बिरामीको पाल्पा र गुल्मीका स्थानीय स्वास्स्थ्यसंस्थामा उपचार भइरहेको छ भने दुई जनालाई तानसेनस्थित युनाइटेड मिसन अस्पतालमा लगिएको छ ।
गाउँमा झाडाबान्ताका बिरामी बढेपछि जिल्ला अस्पताल पाल्पाका चिकित्सक गगन अधिकारीको नेतृत्वमा छ स्वास्थ्यकर्मीको टोली प्रभावित क्षेत्रमा पुगेको छ ।
चार दिनदेखि गाउँमा झाडाबान्ता फैलिएपनि स्वास्थ्य कार्यालय, रैनादेवी छहरा गाउँपालिकाको बेवास्ताका कारण समयमा उपचार पाउन नसक्दा थप समस्या भएको स्थानीयवासीको गुनासो रहेको छ ।
-1732261651.jpg)
-1732259528.jpg)