एमाले बागमती संसदीय दलको नेतामा थपलिया
नेकपा (एमाले) को बागमती प्रदेश संसदीय दलको नेतामा जगन्नाथ थपलिया चयन भएका छन्।
एमाले केन्द्रीय सदस्य समेत रहेका थपलिया सर्वसम्मत रूपमा संसदीय दलको नेता चयन भएका हुन्। बिहीबार बसेको प्रदेश संसदीय दलको बैठकमा एमाले केन्द्रीय नेताहरू पनि उपस्थित थिए।
उनी चितवन १ ‘क’ बाट प्रदेश सभा सदस्यमा निर्वाचित भएका थिए। प्रदेश सभामा एमाले दोस्रो ठूलो दल हो। उनलाई बागमतीको भावी मुख्यमन्त्रीका रूपमा हेरिएको छ।
एमाले उपाध्यक्ष अष्टलक्ष्मी शाक्य, स्थायी समिति सदस्य एवं बागमती प्रदेश इन्चार्ज काशीनाथ अधिकारी, पोलिटब्यूरो सदस्य आनन्द पोखरेल, पूर्व मुख्यमन्त्री डोरमणि पौडेलले सर्वसम्मत नेतृत्व चयनका लागि पहल गरेका थिए।
