मन्त्रिपरिषद् गठन, तीन उपप्रधानमन्त्री सहित को को बने मन्त्री?

नवनियुक्त प्रधानमन्त्री पुष्पकमल दाहालले पद तथा गोपनीयताको शपथ लिएसँगै मन्त्रिपरिषद् गठन गरेका छन्।

नेकपा (एमाले)का विष्णुप्रसाद पौडेल, नेकपा (माओवादी केन्द्र)का नारायणकाजी श्रेष्ठ र राष्ट्रिय स्वतन्त्र पार्टीका रवि लामिछानेले उपप्रधानमन्त्री भएका छन्। पौडेललाई अर्थ, श्रेष्ठलाई भौतिक पूर्वाधार र लामिछानेले गृह मन्त्रालयको जिम्मेवारी पाएका छन्।

त्यस्तै, एमालेबाट ज्वालाकुमारी साह, राजेन्द्र राई र दामोदर भण्डारी तथा जनमत पार्टीबाट अब्दुल खान मन्त्री बनेका छन्। उनीहरूले पनि पद तथा गोपनीयताको शपथ लिएका छन्। चारै जनाको कार्यभार पछि तोकिने भएको छ।

यस्तो छ मन्त्रिपरिषद् :
१) पुष्पकमल दाहाल, प्रधानमन्त्री
२) विष्णुप्रसाद पौडेल, उपप्रधानमन्त्री तथा अर्थ
३) नारायणकाजी श्रेष्ठ, उपप्रधानमन्त्री तथा भौतिक पूर्वाधार
४) रवि लामिछाने, उपप्रधानमन्त्री तथा गृह
५) ज्वालाकुमारी साह, मन्त्री
६) दामोदर भण्डारी, मन्त्री
७) राजेन्द्र राई, मन्त्री
८) अब्दुल खान, मन्त्री