खोटाङको बाक्सिला बजारमा आगलागी
खोटाङको केपिलासगढी गाउँपालिका-४ बाक्सिला बजारमा आगलागी भएको छ। आगलागीबाट पाँच घर नष्ट भएका छन्।
सोमबार साँझ स्थानीय व्यवसायी दीपक गुरुङको घरमा आगलागी भएको थियो। त्यसपछि रमेश परियार, डिल्लीकुमार श्रेष्ठ र शुभराज राईको घर जलेको जिल्ला प्रहरी कार्यालयले जनाएको छ।
व्यापार व्यवसाय सञ्चालन हुँदै आएको बजारका अन्य घरमा आगो फैलिन नदिन स्थानीय अकबर राईको घर जेसीभी र एस्काभेटरले भत्काइएको केपिलासगढी गाउँपालिकाका उपाध्यक्ष गुरुराज राईले बताए।
बाक्सिला बजार।
स्थानीय र प्रहरीले आगो नियन्त्रणको प्रयास गरिरहेका छन्। आगलागीको कारण खुल्न सकेको छैन। घटनाको विस्तृत जानकारी आउन बाँकी रहेको प्रहरीले जनाएको छ।
