जन्ती बोकेको गाडी दुर्घटना, पाँच जनाको मृत्यु
धनुषामा जन्ती बोकेको गाडी दुर्घटना हुँदा पाँच जनाको मृत्यु भएको छ भने नौ जना घाइते भएका छन्।
इटहरीबाट महोत्तरीको पिपरा फर्किने जन्ती बोकेको बा १ ज ८२९३ नम्बरको गाडी शनिबार बिहान दुर्घटना भएको हो। पूर्व-पश्चिम राजमार्गको वीरेन्द्र बजारमा गाडी दुर्घटना हुँदा पाँच जनाको मृत्यु भएको जिल्ला प्रहरी कार्यालय, धनुषाका एसपी वसन्त रजौरेले जानकारी दिए।
दुर्घटनामा पिपरा गाउँपालिकाका ११ वर्षीय एस कुमार र धनुषाको मुखियापट्टी मुसहरनिया तुल्सियाहीका ३५ वर्षीया रुबीकुमारी साहको मृत्यु भएको छ। अन्य तीन जनाको सनाखत हुन सकेको छैन।
-1732353496.jpg)
