मोरङ-१ मा कांग्रेसका लिम्बू निर्वाचित
मोरङ-१ बाट नेपाली कांग्रेसका डिगबहादुर लिम्बू निर्वाचित भएका छन्। सत्ता गठबन्धनका उम्मेदवार लिम्बूले नेकपा (एमाले)का घनश्याम खतिवडालाई ४३० मतान्तरले पराजित गरेका हुन्।
लिम्बूले २७ हजार २९७ मत र खतिवडाले २६ हजार ८६७ मत प्राप्त गरेका छन्। लिम्बू र खतिवडाको यो लगातार तेस्रो चुनावी प्रतिस्पर्धा हो। खतिवडाले २०७४ को निर्वाचनमा लिम्बूलाई पराजित गरेका थिए। २०७० सालको निर्वाचनमा भने लिम्बूले खतिवडालाई पराजित गरेका थिए।
शिक्षक पृष्ठभूमिबाट राजनीतिमा आएका लिम्बू र खतिवडा दुवै जना उत्तरी मोरङको लेटाङ नगरपालिकाका बासिन्दा हुन्।
-1732353496.jpg)
-1732261651.jpg)
