दाङ-३ मा कांग्रेसका दीपक गिरी निर्वाचित
दाङ-३ बाट नेपाली कांग्रेसका दीपक गिरी निर्वाचित भएका छन्।
उनले निकटतम प्रतिस्पर्धी नेकपा (एमाले)की कोमल वलीलाई सात हजार ८१० मतान्तरले पराजित गरेका हुन्।
सत्ता गठबन्धनका उम्मेदवार गिरीले ३६ हजार ८४२ मत र वलीले २९ हजार ३२ मत प्राप्त गरेका छन्। यस्तै‚ राष्ट्रिय स्वतन्त्र पार्टीका कमल सुवेदीले १४ हजार ५७४ मत प्राप्त गरेका छन्।
गिरी २०७० मा सोही क्षेत्रबाट निर्वाचित भएका थिए। २०७४ को निर्वाचनमा भने एमालेका हिराचन्द्र केसीसँग पराजित भएका थिए। उनी पूर्व सिंचाइ मन्त्री समेत हुन्।
यसैबीच प्रदेश सभा ‘क’ र ‘ख’ मा पनि सत्ता गठबन्धनकै उम्मेदवार विजयी भएका छन्। प्रदेश सभा ‘क’ मा कांग्रेसका डिल्लीबहादुर चौधरी र प्रदेश सभा ‘ख’ मा नेकपा माओवादी केन्द्रका धनबहादुर मास्के निर्वाचित भएका हुन्।
-1732180391.jpg)
-1732099242.jpg)
