मतदाता नामावलीमा नाम भेटिएन, तत्काल ११०२ मा फोन गर्नुस्: आयोग
निर्वाचन आयोगले मतदाता नामावलीमा नाम नभेटिनेहरूलाई टोल फ्री नम्बरमा फोन गर्न आग्रह गरेको छ।
आयोगले मतदाता नामावलीमा नाम दर्ता भएर पनि नभेटिनेहरूलाई कल सेन्टरबाट सहयोग गर्ने व्यवस्था गरेको हो। आयोगले भनेको छ, ‘मतदान गर्ने प्रयोजनका लागि मतदाता नामावलीमा नाम नभेटिए तत्काल कल सेन्टरको निःशुल्क टोल फ्री नम्बर ११०२ मा फोन गर्न सकिनेछ।’
प्रतिनिधि सभा र प्रदेश सभा सदस्य चयनका लागि देशैभरि मतदान जारी छ। केही स्थानमा सामान्य विवाद भए पनि देशभर शान्तिपूर्ण रूपमा मतदान भइरहेको निर्वाचन आयोगले जनाएको छ।
चुनावमा एक करोड ७९ लाख ८८ हजार ५७० हजार मतदाताले मतदान गर्न पाउनेछन्। जसमा पुरुष ९१ लाख ४० हजार ८०६, महिला ८८ लाख ४७ हजार ५७९ र अन्य १८५ जना छन्।
-1732353496.jpg)
-1732261651.jpg)
