यूएईले नेपाललाई दियो १९२ रनको लक्ष्य
एकदिवसीय शृङ्खलाको दोस्रो खेलमा यूएईले नेपाललाई १९२ रनको लक्ष्य दिएको छ।
कीर्तिपुरस्थित त्रिवि क्रिकेट मैदानमा टस जितेर ब्याटिङ रोजेको यूएईले ४३.२ ओभरमा सबै विकेट गुमाएर १९१ रन बनाएको हो। नेपालले कसिलो बलिङ गरेपछि यूएई सामान्य स्कोरमै समेटिएको हो।
यूएईका लागि मुहम्मद वासीमले ५०, अलिशान सारफूले ३५, वृत्य अरविन्दले २५ र विष्णु सुकुमारनले २४ रन बनाए। अन्य खेलाडी सस्तैमा आउट भए।
नेपालका लागि सोमपाल कामी र ललित राजवंशीले तीन–तीन तथा करण केसी, गुल्सन झा, दीपेन्द्रसिंह ऐरी र कुशल भुर्तेलले एक–एक विकेट लिए।
केही बेरमा नेपालले ब्याटिङ गर्नेछ।
-1732261651.jpg)
-1732259528.jpg)
-1732180391.jpg)