भूकम्पले डोटीमा जनधनको क्षति (तस्वीरहरू)

तस्वीर

भूकम्पले डोटीमा जनधनको क्षति (तस्वीरहरू)

हिमालखबर बुधबार, कात्तिक २३, २०७९

भूकम्पबाट घर भत्किएपछि आँगनमै बसिरहेका पूर्वीचौकी गाउँपालिका-३, गैरागाउँका स्थानीय। तस्वीरहरू: रासस र नेपाली सेना

गएराति पटक पटक गएको भूकम्पले डोटीको पूर्वीचौकी गाउँपालिका-३, गैरागाउँमा जनधनको क्षति भएको छ।

जिल्ला प्रहरी कार्यालय, डोटीका अनुसार, भूकम्पले थुप्रै घर भत्किएका छन्। घर भत्किँदा ६ जनाको मृत्यु भएको छ भने चार जना गम्भीर घाइते भएका छन्। घाइतेको उपचार भइरहेको छ।

भूकम्पले क्षतिग्रस्त क्षेत्रमा नेपाली सेना, नेपाल प्रहरी र सशस्त्र प्रहरी परिचालन गरिएको छ। उद्धार कार्य चलिरहेको जिल्ला प्रहरी कार्यालयले जनाएको छ।

गएराति ९ः०७ बजे ५.७ म्याग्निच्यूडको र राति ९ः५६ बजे ४.१ म्याग्निच्यूडको भूकम्प गएको थियो। त्यस्तै, आज बिहान २ः१२ बजे ६.६ म्याग्निच्यूड भूकम्प गएको थियो। आज बिहानको भूकम्पले क्षति गरेको हो।