विरोध खतिवडामाथि हातपात गर्ने पक्राउ
नेकपा (एकीकृत समाजवादी)का नेता विरोध खतिवडामाथि हातपात भएको छ। सत्ता गठबन्धनबाट मकवानपुर क्षेत्र नं २ मा उम्मेदवार रहेका खतिवडामाथि मनहरी गाउँपालिका-४ गोलघरमा हातपात भएको हो।
गोलघरमा आयोजना गरिएको गठबन्धनको चुनावी कार्यक्रममा पुगेका खतिवडालाई हेटौंडा उपमहानगरपालिका-२ चौकीटोलका करीब ५० वर्षीय पुरुषोत्तम खड्काले हातपात गरेको इलाका प्रहरी कार्यालय नेवारपानीले जनाएको छ। खड्काले खतिवडालाई दुई झापड हानेको प्रहरी स्रोतले बतायो। खड्कालाई प्रहरीले नियन्त्रणमा लिई जिल्ला प्रहरी कार्यालय मकवानपुर ल्याएको छ।
पूर्व स्वास्थ्य मन्त्री खतिवडा गाडीबाट झरी कार्यकर्तालाई भेटघाट गर्ने क्रममा खड्काले हातपात गरेका हुन्। पुरानो रिसइबीका कारण घटना भएको हुन सक्ने प्रहरीले बताएको छ।
-1732353496.jpg)
