प्रधानमन्त्रीले ओढाए सत्यमोहन जोशीको पार्थिव शरीरमा राष्ट्रिय झण्डा

प्रधानमन्त्री शेरबहादुर देउवाले संस्कृतिविद् सत्यमोहन जोशीको पार्थिव शरीरमा राष्ट्रिय झण्डा ओढाएका छन्।

संस्कृतिविद् जोशीको आज बिहान किस्ट अस्पतालमा निधन भएको थियो। उनको पार्थिव शरीर अन्तिम श्रञ्जालीका लागि ललितपुर महानगरपालिकाको प्राङ्गण राखिएको छ।

प्रधानमन्त्री देउवासँग नेकपा (माओवादी केन्द्र)का अध्यक्ष पुष्पकमल दाहाल, कलाकार मदनकृष्ण श्रेष्ठ लगायतले जोशीप्रति अन्तिम श्रञ्जालली अर्पण गरेका छन्। अन्तिम श्रद्धाञ्जली अर्पणपछि आजै जोशीको पार्थिव शरीर किस्ट अस्पताललाई हस्तान्तरण गरिनेछ।

जिवित छँदै जोशीले शरीर दान गरेका थिए। उनको इच्छाअनुसार, नै परिवारजले पार्थिव शरीर किस्ट अस्पताललाई हस्तान्तरण गर्ने भएको छ। उनको पार्थिव शरीर अध्ययनका लागि अस्पतालमै सुरक्षित राखिनेछ।

संस्कृतिविद् जोशीको आज बिहान ७ बजेर ९ मिनेटमा निधन भएको हो। उनी २४ दिनदेखि किस्ट अस्पतालमै उपचाररत थिए।