जुम्लामा पहिरोले घर पुरिंदा एकै घरका सात जनाको मृत्यु
जुम्लामा पहिरोले घर पुरिंदा एकै परिवारका सात जनाको मृत्यु भएको छ। दुई जना गम्भीर घाइते भएका छन्।
कनकासुन्दरी गाउँपालिका–५ बारकोटेबाडाका गणेशबहादुर शाहीको घर पहिरोले पुरिंदा सातै जनाको घट्नास्थलमै मृत्यु भएको जुम्लाका प्रहरी नायब उपरीक्षक नरेन्द्र चन्दले जानकारी दिए। “बिहान चार बजे पहिरोले घर पुरिएको खबर प्राप्त भएको छ, घर पुरिंदा सबैजना सुतिरहेका रहेछन्, उम्किनै पाएनन्‚” चन्दले भने, “प्रहरी र स्थानीयले सातै जनाको शव निकालेका छन्, घाइतेलाई स्थानीय स्वास्थ्य चौकीमा उपचारका लागि लगिएको छ।”
निरन्तर वर्षा भइरहेकाले घटनास्थलमा पुग्ने सडक सबै भत्किएको प्रहरीले बताएको छ। जिल्ला सुरक्षा समितिको टोली पैदल घटनास्थलतर्फ जाँदै गरेको चन्दले बताए। “हामी सबै बाटोमै छौं, सडक बनाउँदै अघि बढ्दै गरेको अवस्था हो”, उनले भने, “साँझसम्म घटनास्थलमा पुग्ने आश गरेका छौं।” -रासस
-1732353496.jpg)
