बारा बस दुर्घटना अपडेट: मृतकको संख्या १५ पुग्यो
बाराको जितपुर सिमरा उपमहानगरपालिका-२२ मा भएको बस दुर्घटनामा परी मृत्यु हुनेको संख्या १५ पुगेको छ।
पूर्व-पश्चिम राजमार्गमा भएको दुर्घटनामा मृत्यु हुनेमध्ये नौ पुरुष र ६ जना महिला रहेका छन्। मृतकको सनाखत हुन बाँकी छ।
चितवनको नारायणगढबाट वीरगञ्जतर्फ गइरहेको बागमती प्रदेश ०६–००१ ख ०११० नम्बरको बस अनियन्त्रित भई दुर्घटना भएको हो। दुर्घटनामा ३६ जना घाइते भएको जिल्ला प्रहरी कार्यालय मकवानपुरका प्रहरी निरीक्षक बलराम श्रेष्ठले जानकारी दिए।
गम्भीर घाइतेको तीन जनाको हेटौंडा अस्पतालमा उपचारका क्रममा मृत्यु भएको हो। घाइतेको हेटौंडा अस्पताल, चुरेहिल अस्पताल र मकवानपुर सहकारी अस्पतालमा उपचार भइरहेकोे छ। केही घाइतेलाई थप उपचारका लागि चितवन लगिएको छ। -रासस
-1732353496.jpg)
