खोलाले बगाउँदा दाङमा एकको मृत्यु, एक बेपत्ता
बाढीले बगाउँद दाङमा एक जनाको मृत्यु र एक जना बेपत्ता भएका छन्।
तुलसीपुर उपमहानगरपालिका-१५ स्थित त्रिवेणी खोलाले बगाउँदा सोही ठाउँका ४८ वर्षीय मदन डाँगीको मृत्यु भएको जिल्ला प्रहरी कार्यालय दाङका प्रहरी प्रमुख एसपी विरबहादुर वलीले जानकारी दिए।
बुधबार राति १० बजे छोरालाई लिन ससुराली जाने क्रममा डाँगीलाई खोलाले बगाएको वलीले बताए।
त्यस्तै‚ घोराही-तुलसीपुर सडकखण्डमा पर्ने गुर्जेखोलामा आएको बाढीले बगाउँदा घोराही उपमहानगरपालिका-१० का ५४ वर्षीय कल्लु चौधरी बेपत्ता भएको एसपी वलीले जानकारी दिए। खोलामा बगेर बेपत्ता भएका चौधरीको उद्धारका लागि प्रहरी परिचान गरिए पनि अहिलेसम्म फेला नपरेको एसपी वलीले बताए।
-1732353496.jpg)
