साफ च्याम्पियनशिपको उपाधिका लागि भारतसँग भिड्दै नेपाल
साफ यू-१७ च्याम्पियनशिप फूटबलको उपाधिका लागि नेपाली टोली आज भारतसँग भिड्न लागेको छ।
श्रीलंकाको कोलम्बोस्थित रेसकोर्स मैदानमा आज राति ८ः१५ बजे नेपाल र भारतको खेल हुनेछ। नेपाल सेमिफाइनलमा आयोजक श्रीलंकालाई ६-० गोलअन्तरले पराजित गर्दै फाइनलमा पुगेको हो।
त्यस्तै, बाङ्लादेशलाई २-१ गोलअन्तरले हराउँदै भारत पनि फाइनलमा पुगेको हो। भारत यसअघिको विजेता हो।
यसअघि समूह चरणको खेलमा नेपालले भारतलाई ३-१ गोलअन्तरले पराजित गरेको थियो। नेपाल अपराजित रहँदै फाइनल पुगेको हो।
नेपाली टोलीका मुख्य प्रशिक्षक उर्जन श्रेष्ठले भारत विरुद्धको खेलमा विजयी भई च्याम्पियन बन्ने लक्ष्य रहेको बताए।
-1732261651.jpg)
-1732259528.jpg)