नबिल ब्यांकका एकै दिन आठ शाखा उद्घाटन
नबिल ब्यांकले आइतबार एकै दिन आठ ठाउँमा शाखा बिस्तार गरेको छ।
ब्यांकले मंगलबजार, इलाम, मुलपानी, सुरुङ्गा, भागवान पाउ (डल्लु), साँखु, काँकडभिट्टा र भण्डारामा एकैसाथ शाखा कार्याल्य उद्घाटन गरेको हो।
उपत्यका भित्रका शाखामा ब्यांकका सञ्चालक समितीका अध्यक्ष उपेन्द्र पौड्याल, नायव प्रमुख कार्यकारी अधिकृत भूपेन्द्र पाण्डे सहित सम्बन्धित स्थानीय जनप्रतिनिधिले संयुक्त रुपमा उद्घाटन गरेका छन्।
उपत्यका बाहिर पनि सम्बन्धित स्थानीय तहका जनप्रतिनिधिले शाखा उद्घाटन गरेको ब्यांकले जनाएको छ। दीर्घकालीन रणनीति अनुरुप शाखाहरू विस्तार भएको जनाइएको छ।
नयाँ शाखाबाट स्थानीय बासिन्दा, व्यापारी र ग्राहकलाई सबै सेवा पाउने व्यवस्था गरिएको ब्यांकले जनाएको छ।
