भारतलाई हराउँदै नेपाल साफ यू-१७ को सेमिफाइनलमा
भारतलाई हराउँदै नेपाल साफ यू-१७ प्रतियोगिताको सेमिफाइलनमा प्रवेश गरेको छ।
श्रीलंकाको राजधानी कोलम्बोमा शुक्रबार भएको खेलमा नेपालले भारतलाई ३-१ ले पराजित गरेको छ। यो जितसँगै नेपाल समूह ‘बी’को विजेता बनेर सेमिफाइलनमा प्रवेश गरेको हो।
आजको खेलमा डेनी मेत्रीले भारतलाई शुरूआति अग्रता दिलाएका थिए। उनले खेलको २५ मिनेटमै गोल गरेका थिए।
पहिलो हाफको अन्तिम मिनेटमा नेपालका लागि सरोज दर्लामीले गोल गर्दै बराबरीमा ल्याए। त्यसपछि दोस्रो हाफमा नेपालले दुई गोल थपेको हो।
नेपालका लागि उनेश बुढाथोकीले ४९औं मिनेटमा र सुवाष बमले ६८औं मिनेटमा गोल गर्दै नेपालको जीत सुनिश्चित गरेका हुन्।
अब नेपाल फाइनल प्रवेशका लागि श्रीलंका र मालदिभ्सबीच हुने खेलको विजेतासँग भिड्नेछ। नेपालको खेल सोमबार हुनेछ।
त्यस्तै, भारत पहिलो सेमिफाइनलमा बाङ्लादेशसँग भिड्नेछ। फाइनल खेल बुधबार हुनेछ।
-1732261651.jpg)
-1732259528.jpg)
