‘गलबन्दी’ विवाद टुंगियो, संगीत सर्जकमा राई र सपुत दुवैको नाम राखिने
गायक प्रकाश सपुतले बजारमा ल्याएको ‘गलबन्दी’ गीतको संगीत सिर्जनामा शम्भु राईको नाम पनि रहने भएको छ ।
तस्वीरः प्रकाश सपुतको फेसबूकबाट ।
प्रतिलिपि अधिकार रजिष्टारको कार्यालयमा आज भएको चारबुँदे सहमतिमा संगीत सिर्जनामा शम्भु राई र पुनः संगीत सिर्जनामा प्रकाश सपुतको नाम रहने उल्लेख गरिएको छ ।
सपुतको गीत ‘गलबन्दी’को लय आफ्नो गीत ‘देउसी भैलो’ को ‘आऊ नाँचौं साथी हो’ सँग मिलेको भन्दै राईले प्रतिलिपि अधिकार रजिस्टारको कार्यालयमा उजुरी दिएका थिए ।
सहमतिअनुसार गीतको सम्पूर्ण आर्थिक लाभ, प्रतिलिपि अधिकार तथा श्रष्टा, उत्पादक र प्रस्तोताले पाउने रोयल्टीमा भने प्रकाश सपुतको अधिकार रहने छ । यसमा राईले दाबी गर्ने छैनन् ।
राईले प्रतिलिपि अधिकार रजिष्टारको कार्यालय र गीत–संगीतका अन्य संघसंस्था तथा निकायमा दिएको उजुरी फिर्ता लिने सहमति पनि भएको छ ।
‘गलबन्दी’ गीतको विषयान्तर भएर जातीय रुपमा टिप्पणी हुन थालेको भन्दै प्रतिनिधि सभामा नेपाली कांग्रेसका सांसद् मीन विश्वकर्माले पनि आपत्ति प्रकट गरेका थिए ।
-1732261651.jpg)
-1732259528.jpg)
-1732180391.jpg)