एकै दिन थपिए ६५८ कोरोना संक्रमित
कोभिड–१९ को परीक्षण बढेसँगै आज नयाँ संक्रमितको संख्या पनि झण्डै तीन गुणाले बढेको छ भने एक जनाको मृत्यु भएको छ।
स्वास्थ्य तथा जनसंख्या मन्त्रालयका अनुसार, ६ हजार ६४३ नमूना परीक्षण गर्दा ६५८ जनामा कोरोना पुष्टि भएको छ। आइतबार तीन हजार ४२३ नमूना परीक्षण गर्दा २८६ जनामा कोरोना देखिएको थियो।
आज तीन हजार ३८१ जनाको पीसीआर परीक्षण गर्दा ४०५ जनामा र तीन हजार २६२ जनाको एन्टिजेन परीक्षण गर्दा २५३ जनामा कोरोना देखिएको हो।
त्यस्तै, आज कोरोनाबाट एक जनाको मृत्यु भएको छ। योसँगै कोरोनाबाट मृत्यु हुनेको संख्या ११ हजार ९९३ पुगेको छ।
पछिल्लो २४ घण्टामा ४५६ जना निको भएका छन्। योसँगै सक्रिय संक्रमितको संख्या पनि चार हजार २९६ पुगेको छ।
-1732175085.png)
-1732099242.jpg)
-1732097316.jpg)
