उपप्रमुखसहितकाे समूहद्वारा आफ्नै कार्यालयमा तोडफोड
उपप्रमुखसहितकाे समूहले महोत्तरीको औरही नगरपालिकाको कार्यालयमा शनिबार राति तोडफोड गरेको छ ।
शनिबार राति उपप्रमुख रेणु झाको नेतृत्वमा आएको एक टोलीले नगरपालिकाको कार्यालयमा रहेको योजना शाखा तथा प्रशासन फाँटमा गरी दुई थान कम्प्युटर, दुई थान स्क्यान मेसिन, दुई थान प्रिन्टर, दुई थान मल्टिप्लग बोर्डमा तोडफोड गरेको हो ।
इलाका प्रहरी कार्यालय गौशालाले दिएको जानकारी अनुसार शनिबार साँझको समयमा कार्यालयमा कामकाज मनपर्दी रुपमा गर्दै आएको विरोधमा उपमेयर रेणु झाको नेतृत्वको टोलीले कार्यालयमा तोडफोड गरेको हो ।
अन्य दिन कार्यालयमा उपस्थित नहुने कर्मचारी शनिबार काम गरेको भन्दै सोधपुछ गर्न खोज्दा विवादले उग्ररुप लिएको प्रहरी निरीक्षक किशोर आचार्यले बताए ।
यता कामको चापले गर्दा शनिबार पनि काम गर्नुपर्ने बाध्यता रहेको नगरप्रमुख सुनिलकुमार यादवलाई उद्धृत गर्दै प्रहरी निरीक्षक आचार्यले बताएका छन् ।
सोही क्रममा उपप्रमुख पक्षका राजपा नेता ज्ञानु झा घाइते भएका छन् । उनकाे स्थानीय क्लिनिकमा उपचार भइरहेको छ ।
असार मसान्तको समयमा पनि कार्यालयमा नियमितरूपमा कर्मचारी नआएपछि नगरपालिकामा योजनाअनुसारको कामकाज समयमै सम्पन्न हुन नसकेको स्थानीयवासीले प्रतिक्रिया दिएका छन् ।
-1732353496.jpg)
-1732261651.jpg)