आज ९१२ सङ्क्रमित थपिए, एकको मृत्यु
आज ९१२ जनामा कोरोनाभाइरसको सङ्क्रमण देखिएको छ भने एक जनाको मृत्यु भएको छ।
स्वास्थ्य तथा जनसङ्ख्या मन्त्रालयका अनुसार, ६ हजार ४९१ स्वाब परीक्षण गर्दा ९१२ जनामा कोरोना देखिएको हो। उनीहरूमध्ये दुई हजार ९४१ जनाको पीसीआर परीक्षण गर्दा ५२९ जनामा र तीन हजार ५५० जनाको एन्टिजेन परीक्षण गर्दा ३८३ जनामा कोरोना पुष्टि भएको हो।
त्यस्तै, कोरोना सङ्क्रमणबाट एक जनाको मृत्यु भएको छ। योसँगै कोरोनाबाट मृत्यु हुनेको सङ्ख्या ११ हजार ९७० पुगेको छ।
पछिल्लो २४ घण्टामा ३७० जना निको भएको स्वास्थ्य मन्त्रालयले जनाएको छ। योसँगै सक्रिय सङ्क्रमितको सङ्ख्या पनि पाँच हजार ७६० पुगेको छ।
-1732175085.png)
-1732099242.jpg)
-1732097316.jpg)
