पहिरोले नारायणगढ-मुग्लिन सडक अवरुद्ध
पहिरोका कारण नारायणगढ-मुग्लिन सडक अवरुद्ध भएको छ।
लेदोसहितको पहिरो खस्दा भरतपुर महानगरपालिका–२९ घुमाउने नजिकै सडक दुईतर्फी अवरुद्ध भएको जिल्ला प्रहरी कार्यालय चितवनले जनाएको छ। आइतबार रातिदेखि लगातार पानी परिरहेको छ।
अहिले पहिरो पन्छाउने काम भइरहेको जिल्ला प्रहरी कार्यालयका प्रहरी नायब निरीक्षक रविन विष्टले जानकारी दिए।-रासस
-1732353496.jpg)
