साफ यू-२० च्याम्पियनशिपमा नेपालको लज्जास्पद हार, भारत ८-० ले विजयी
नेपालले साफ यू-२० च्याम्पियनशिपमा भारतसँग फराकिलो गोल अन्तरले पराजित भएको छ।
भारतको भुवनेश्वरस्थित कालिंगा रङ्गशालामा आइतबार साँझ भएको खेलमा नेपालले आयोजकसँग ८–० गोलको विशाल अन्तरले हारेको हो।
यसअघि नेपालले श्रीलंकालाई ३-० र माल्दिभ्सलाई ४-० ले पराजित गरेको थियो।
यस हारले नेपाल फाइल पुग्ने सम्भावना झिनो बनेको छ। तीन खेलबाट नेपालको ६ अङ्क छ। तीन खेलबाट नै ६ अङ्क जोडेको भारत हेड टु हेड र गोल अन्तर दुवैमा नेपालभन्दा अघि बढेर दोस्रो स्थानमा छ। तीन खेल जितेको बाङ्लादेश ९ अङ्क सहित शीर्ष स्थानमा छ।
अब नेपालले फाइनल पुग्न अन्तिम खेलमा बाङ्लादेशलाई हराउनै पर्नेछ भने अर्को खेलमा भारत माल्दिभ्ससँग पराजित हुनुपर्नेछ वा बराबरीमा रोकिनुपर्नेछ।
-1732261651.jpg)
-1732259528.jpg)
