भूकम्पबाट खोटाङमा केही घरमा क्षति
खोटाङको साकेला गाउँपालिका–५ मात्तिमबिर्ता केन्द्र भएर गएको ६ म्याग्निच्यूडको भूकम्पबाट केही घरमा क्षति पुगेको छ। आइतबार बिहान ८ बजेर १३ मिनेटमा भूकम्प गएको थियो।
साकेला-५ का वडाध्यक्ष जीवन न्यौपानेका अनुसार‚ मात्तिमबिर्तामा एक घर चर्किएको र एक घरको टायल खसेको छ। हलेसी तुवाचुङ नगरपालिकाकी मेयर विमला राईले वडा कार्यालय मार्फत क्षतिको विवरण उपलब्ध गराउन सूचना जारी गरिएको बताइन्। यस्तै, हलेसी तुवाचुङ–७ महादेवस्थानमा केही घरको पर्खालको ढुङ्गा खसेको वडाध्यक्ष कमल गिरीले जानकारी दिए।
प्रमुख जिल्ला अधिकारी सूर्यप्रसाद सेढाईंले हालसम्म मानवीय क्षतिको विवरण नआएको बताए। क्षतिको विवरण सङ्कलन भइरहेको उनको भनाइ छ।
भूकम्पका कारण स्थानीयवासी अत्तालिंदै घर बाहिर निस्किएका थिए। पराकम्पन आइरहेको छ।
-1732180391.jpg)
-1732099242.jpg)
