देशभर ५७७ सङ्क्रमित थपिए, दुईको मृत्यु
आज कोरोनाभाइरसको सङ्क्रमणबाट दुई जनाको मृत्यु भएको छ भने ५७७ जनामा सङ्क्रमण देखिएको छ।
स्वास्थ्य तथा जनसङ्ख्या मन्त्रालयका अनुसार, चार हजार २८२ स्वाब परीक्षण गर्दा ५७७ जनामा कोरोना पुष्टि भएको हो। आज दुई हजार ४७४ जनाको पीसीआर परीक्षण गर्दा ३९१ जनामा र एक हजार ८०८ जनाको एन्टिजेन परीक्षण गर्दा १८६ जनामा कोरोना देखिएको हो।
त्यस्तै, कोरोना सङ्क्रमणबाट पछिल्लो २४ घण्टामा दुई जनाको मृत्यु भएको छ। योसँगै कोरोनाबाट मृत्यु हुनेको सङ्ख्या ११ हजार ९६४ पुगेको छ।
शुक्रबार कोरोनाबाट २६९ जना निको भएका छन्। योसँगै सक्रिय सङ्क्रमितको सङ्ख्या चार हजार ३५६ पुगेको छ।
एक सातायता कोरोना सङ्क्रमितको सङ्ख्या बढ्दै गएको छ। सङ्क्रमण फैलिन नदिन जनस्वास्थ्यका मापदण्ड पालना गर्न स्वास्थ्य मन्त्रालयले आग्रह गरेको छ।
-1732180391.jpg)
-1732099242.jpg)
-1732097316.jpg)