साफ च्याम्पियनशिपमा श्रीलंका विरुद्ध नेपालको शानदार जित
नेपालले साफ यू-२० च्याम्पियनशिपमा श्रीलंका विरुद्ध शानदार जित हासिल गरेको छ।
भारतको भुवनेश्वरस्थित कालिंगा रङ्गशालामा बुधबार साँझ भएको खेलमा नेपालले ३-० गोल अन्तरले जित हासिल गरेको हो।
नेपाललाई जित दिलाउन कप्तान आयुष घलानले खेलको ५८औं मिनेटमा पहिलो गोल गरे। त्यस्तै, खेलको ६४औं मिनेटमा कृतीशरत्न छुञ्जूले नेपालका लागि दोस्रो गोल गरे। त्यसपछि खेलको ८३औं मिनेटमा मनग्य नकर्मीले तेस्रो गोल थपे।
यसअघि सोमबार भएको पहिलो खेलमा पनि नेपालले माल्दिभ्स विरुद्ध ४-० को जित हासिल गरेको थियो। दोस्रो जितसँगै नेपालको फाइनल पुग्ने सम्भावना बलियो बनेको छ।
अब नेपालले तेस्रो खेलमा साउन १५ गते आयोजक भारतको सामना गर्नेछ। राउन्ड रोबिनको अन्तिम खेलमा नेपालले साउन १७ गते बाङ्लादेशसँग प्रतिस्पर्धा गर्नेछ।
पाँच टोली सहभागी प्रतियोगिताका शीर्ष दुई टोलीले फाइनल खेल खेल्नेछन्। यसअघि यो प्रतियोगिता भारतले जितेको थियो।
-1732261651.jpg)
-1732259528.jpg)