कोरोनाबाट एकको मृत्यु, ५६४ सङ्क्रमित थपिए
कोरोनाभाइरसको सङ्क्रमणबाट मृत्यु हुने क्रम रोकिएको छैन। आज थप एक जनाको कोरोनाबाट मृत्यु भएको छ।
स्वास्थ्य तथा जनसङ्ख्या मन्त्रालयका अनुसार, पछिल्लो एक सातामा कोरोनाबाट आठ जनाको मृत्यु भएको छ। योसँगै कोरोनाबाट मृत्यु हुनेको सङ्ख्या ११ हजार ९६० पुगेको छ।
त्यस्तै, आज देशभर ५६४ जनामा कोरोना सङ्क्रमण देखिएको छ। आज चार हजार ४५४ स्वाब परीक्षण गर्दा ५६४ जनामा सङ्क्रमण देखिएको हो। यो १२ प्रतिशत हो। गत सातासम्म १० प्रतिशत रहेको थियो।
देशभर दुई हजार ७७८ जनाको पीसीआर परीक्षण गर्दा ४१८ जनामा र एक हजार ६७६ जनाको एन्टिजेन परीक्षण गर्दा १४६ जनामा कोरोना पुष्टि भएको स्वास्थ्य मन्त्रालयले जनाएको छ।
यसै गरी, कोरोनाबाट २०२ जना निको भएका छन्। यससँगै सक्रिय सङ्क्रमितको सङ्ख्या पनि तीन हजार ९२९ पुगेको छ।
-1732180391.jpg)
-1732099242.jpg)
-1732097316.jpg)
