नेपालबाट राजीनामा दिएको केही घण्टामै पुबुदु क्यानाडाको प्रमुख प्रशिक्षक नियुक्त
नेपाली राष्ट्रिय टोलीको प्रमुख प्रशिक्षकबाट राजीनामा दिएको घोषणा गरेको केही घण्टामै पुबुदु दासानायके क्यानाडाको प्रमुख प्रशिक्षक नियुक्त भएका छन्।
बुधबार साँझ क्रिकेट क्यानाडाले ट्वीट गर्दै दासानायके प्रमुख प्रशिक्षक नियुक्त भएको जनाएको छ। उनी प्रमुख प्रशिक्षक नियुक्त भएकोमा क्रिकेट क्यानाडाले बधाई पनि दिएको छ।
उनले बुधबार अपराह्न काठमाडौंमा पत्रकार सम्मेलन गरेर नेपाली राष्ट्रिय टोलीको प्रमुख प्रशिक्षकबाट राजीनामा दिएको घोषणा गरेका थिए। उनले व्यक्तिगत कारणले राजीनामा दिएको बताएका थिए।
दासानायकेले गत मंसीरमा दुई वर्षका लागि नेपाली टोलीको जिम्मेवारी सम्हाल्न नेपाल क्रिकेट संघ (क्यान)सँग सम्झौता गरेका थिए। तर, एक वर्ष नपुग्दै व्यक्तिगत कारण देखाएर राजीनामा दिएका हुन्।
क्यानले पनि उनको राजीनामा स्वीकृत गरिसकेको जनाएको छ। क्यानले उनको राजीनामा स्वीकृत भएको सार्वजनिक गरेको एक घण्टापछि क्रिकेट क्यानाडाले प्रमुख प्रशिक्षक नियुक्त गरेको जनाएको हो।
-1732261651.jpg)
-1732259528.jpg)
-1732180391.jpg)