देशभर थपिए ४५७ कोरोना सङ्क्रमित, एकको मृत्यु
कोरोनाभाइरस सङ्क्रमितको सङ्ख्या दिनदिनै बढ्दै गएको छ भने आज देशभर ४५७ जना सङ्क्रमित थपिएका छन्।
स्वास्थ्य तथा जनसङ्ख्या मन्त्रालयका अनुसार, चार हजार ६५१ स्वाब परीक्षण गर्दा ४५७ जनामा कोरोना सङ्क्रमण पुष्टि भएको हो। दुई हजार ३४१ जनाको पीसीआर परीक्षण गर्दा ३८६ जनामा र दुई हजार ३१० जनाको एन्टिजेन परीक्षण हुँदा ७१ जनामा कोरोना देखिएको हो।
पछिल्लो २४ घण्टामा कोरोना सङ्क्रमणबाट एक जनाको मृत्यु भएको छ। योसँगै कोरोनाबाट मृत्यु हुनेको सङ्ख्या ११ हजार ९५४ पुगेको छ।
आइतबार पनि कोरोनाबाट एक जनाको मृत्यु भएको थियो। दुई महीनापछि कोरोनाबाट मृत्यु हुन थालेको हो।
-1732180391.jpg)
-1732099242.jpg)
-1732097316.jpg)